TÁ GLÓR NA MÓNA AR LORG OIFIGEACH FORBARTHA GAEILGE
Glór na Móna-Guth Gaelach an Uachtar Chluanaí
Is eagraíocht Ghaeilge agus cultúrtha Glór na Móna i gceantar Uachtar Chluanaí in Iarthar Bhéal Feirste. Bunaíodh muid i 2004 agus is grúpa pobail muid a chuireann chun cinn an Ghaeilge sa phobal mar áis athbheochána pobail agus athghiniúint soch-eacnamaíochta i gCeantar an Uachtair Chluanaí.
Amharcann muid ar obair s’againn mar chuid do thionscadail an dhícholíneachais ina spreagann obair athbheochána teanga, rannpháirteacht agus cumhachtú ar bhealach a chothaíonn muinín agus dlúthpháirtíocht i measc an phobail.
Solatharaíonn muid ranganna Gaeilge, oícheanta shóisialta, turasanna chuig an Ghaeltacht, feachtasaíocht ar cheartaí teangan, cumann óige trí mheán na Gaeilge, laetheanta teaghlaigh, campaí do spóirteanna Ghaelacha agus and féile pobail, Féile Gaeilge le Bród.
Tá Glór na Móna ar lorg Oifigeach Forbartha Gaeilge
Post lánaimseartha: Trí bliana
Eanáir 2011 – Nollaig 2013
Critéir Riachtanacha:
- Gaeilge líofa idir labhairt agus scríobh.
- Taithí ar bhainistiú cláir imeachtaí agus forbairt plean oibre pobail.
- Taithí ar theagasc agus ar stiúradh cúrsaí oideachais
- Taithí ar obair óige is forbairt tionscadail óige
- Duine fuinniúil gníomhach féinmhuiníneach a dtig leis/léi obair a dhéanamh as a stuaim féin agus mar chuid d’fhoireann.
- Scileanna maithe ríomhaireachta agus riaracháin.
Tuarastal Túsphointe Scála £24,089 ag brath ar thaithí agus cháilíochtaí.
Seolfar CV chuig Cathaoirleach Glór na Móna ag an seoladh thíos:
Feargal Mac Ionnrachtaigh,
Cathaoirleach
Glór na Móna
199 Bóthar na bhFál
Béal Feirste
BT12 6FB
Le haghaidh tuilleadh eolais, déan teagmháil le Feargal ar feargal@forbairtfeirste.com nó cuir scairt air 07841101630
Spriocdháta iarratais: Luan 6ú Nollaig 2010 5pm, Agallaimh ar an Mháirt 14ú Nollaig 2010.
Tá an post seo á mhaoiniú ag Foras na Gaeilge.
